2017 年 04 月 14 日
雖然唔喺香港,但仍然間唔中喺香港見到我,今次係喺ELLE HK四月號(右邊果個Tiffany Ng呀,我驚有人已經唔認得),睇嚟開展第二人生已經成為潮流,有興趣嘅不妨試吓,挑自己機係幾有挑戰性嘅。
而新果個Title,實在係唔簡單,而家真正知道腦細唔易做,仲要係One Man Band,仲忙過以前返工係咩玩法。新一頁,新挑戰,問題天天都多呀小丸子,多謝身邊一大班小玉嘅意見同支持,間網店好快出世!Dream in Progress,夢想進行中。

Categories: 生活
Tags: athens, beach, blog, blogger, europe, flower, greece, greek, lamguage, learning, nature, sea, spring, study, sun, sunny, sunshine, tiffanypanda, travel, travelblog, travelblogger, weather, 希臘, 希臘文, 旅遊, 海, 陽光, 雅典
No Comments
2017 年 03 月 27 日
上個禮拜食哂啲蜜糖,今日終於買返!27 Kilo有排食呀!大家都忍唔住即刻整返一兜My Big Fat Greek Yogurt with Honey做宵夜,但佢哋落咁多Honey,其實係Honey with Yogurt唔係Yogurt with Honey囉。
等你哋嚟一齊圍住食27Kilo!

Categories: 飲食
Tags: athens, birthday, birthdaycake, blog, blogger, cake, candle, cat, cultur, dessert, eat, europe, food, greece, greekhoney, greekyogurt, history, honry, nature, sea, spring, sun, sunny, sunshine, sweet, tiffanypanda, travel, travelblog, travelblogger, weather, yogurt, 希臘, 希臘蜜糖, 文化, 旅遊, 生日, 生日蛋糕, 蛋糕, 蜜糖, 雅典
今日又嚟“長知識系列”,由於琴日有希臘人生日,所以又學到關於生日嘅傳統。
古希臘人相信,每個人都有一個守護精靈,呢個精靈係由某一位神派遣嘅(希臘有數之不盡嘅神),而呢個人同呢位神係喺同一日出生,所以產生咗“生日”呢個觀念。
至於生日蛋糕,亦係源自古希臘,當時為咗慶祝月亮女神雅蒂米絲生日,希臘人會喺祭壇獻上圓形嘅蜂蜜蛋糕,再點一支細長嘅蠟燭象徵月光,佢哋相信願望會隨住蠟燭嘅煙被帶到女神身邊。久而久之就演變做生日要食生日蛋糕、點蠟燭同埋許願嘅習俗。佢哋仲認為生日嘅人喺呢日同精靈世界最接近,所以為佢送上嘅祝福都會更加容易實現。原來我哋有咁多生日嘅慶祝儀式都係源自古希臘。
喺香港,通常朋友會請生日果個人食飯,但係喺希臘,佢哋就興生日果個人請...

Categories: 文化
Tags: athens, birthday, birthdaycake, blog, blogger, cake, candle, cultur, europe, greece, history, nature, sea, spring, sun, sunny, sunshine, tiffanypanda, travel, travelblog, travelblogger, weather, 希臘, 文化, 旅遊, 生日, 生日蛋糕, 蛋糕, 雅典
「認識多一種語言, 認識多一個世界。」
呢句說話我早幾年喺Facebook見到, 一直都覺得好有意思, 當時亦推動咗我去學日文, 雖然我永久停留喺錯談日語嘅程度, 但識多咗日文字, 又搭到兩咀, 去親日本旅行都爽好多, 遇到嘅日本人亦都分享咗更加多, 真心體會到共同語言嘅重要性。
喺希臘頭一個月, 只係靠英文同埋身體語言去溝通, 當然日常生活無咩問題, 但係唔係個個希臘人都識英文(旅遊區除外), 有時大家你眼望我眼, 除咗傻笑之外真係唔知仲可以點。
琴日我終於開始學希臘文, 之前去咗睇”Arrival”, 想同外星人溝通都要由基本字母學起, 所以第一堂就由呢24個基本字母開始(我覺得啲字母其實同外星文無咩分別), 除咗發音難之外, 最正嘅係好多同英文字母好相似嘅字母其實完全係另一件事, 好易...

Categories: 文化
Tags: athens, beach, blog, blogger, europe, flower, greece, greek, lamguage, learning, nature, sea, spring, study, sun, sunny, sunshine, tiffanypanda, travel, travelblog, travelblogger, weather, 希臘, 希臘文, 旅遊, 海, 陽光, 雅典
希臘時間由今日開始轉做夏令時間,即係同香港嘅時差由六個鐘變返做五個鐘,感覺上近返好多呀!
呢幾日下晝太陽勁猛,見到好多人已經短袖背晒心咁,夏天呀夏天,好快就可以去遊島同游水喇!期待!

Categories: 旅遊