TIFFANY NG | Back to ELLE STAR Column

希臘日落新場:雅典郊區Glyfada海邊

希臘日落出名靚到爆,唔少人嚟希臘旅行嘅目的都係想一睹個咸蛋王喺你面前跌落海果個magical moment,而最出名嘅日落聖地一定係Oia,大大個咸蛋王餵到你飽(個相機),當年我第一次睇希臘日落都係喺呢度睇。 不過未必個個人都會千里迢迢由雅典去Santorini再去Oia,其實喺雅典南部嘅郊區Glyfada海邊睇日落都係一絕,除咗有天有海有山有風有白鴿有日落,最重要係無乜人,成個海邊俾我霸哂! Glyfada係比較多有錢人聚集嘅區域,所以一排又一排嘅遊艇已經默默咁等待夏天出海,海邊亦有唔少海景cafe同餐廳,市中心有好多名店同小店,如果想喺雅典郊區shopping、睇日落、食飯直落,可以嚟Glyfada一日遊。
Categories: 旅遊
Comments Closed

想做就做,有咩好怕喎

想講返2017年1月1號發生嘅事,果日係希臘嘅拆禮物日(類似boxing day),而我真係拆咗全日boxes,原因係我上個月太得閒,無所事事行行企企周身唔自在,於是自動請纓幫手執屋,結果賴嘢啦,邊有人咁多雜物㗎。。。攰到。。。雖然係好攰,但係見到地庫由一片混亂變到勁整齊都好有滿足感。 而驚喜位係,夜晚佢哋叫我圍埋去拆禮物(真係boxing day!),原來媽媽買咗隻戒指俾我!果刻係超感動!連埋前一晚另一位媽媽送俾我嘅(偽)足金2017開運吊飾,我覺得呢個只得1度嘅新年好温暖。 半年前我絕對無諗過會遇到呢班媽媽同其他希臘朋友,更加諗都諗唔到自己會因為收到心形戒指同埋開運吊飾而咁開心,最最最諗唔到嘅係我會辭咗份工飛去希臘條條fing。從來都唔係一個會去計劃嘅人,正宗煮到埋嚟...
Categories: 旅遊

希臘人初次試煮米線,原來米線煮法如此多!

當我對米線嘅印象仲停留喺襯酸辣、蕃茄、麻辣湯底呢類咁陀地煮法嘅時候,估唔到屋企入面嘅希臘人可以將米線煮到圖中咁樣樣。。。 話說我上星期買咗一公斤米線,諗住可以食成個月,並且率先用辣粉煮咗個辣湯米線嚟食,非常之咁滿足。但係無手尾嘅我求其將大大袋米線放咗喺廚房,前幾晚俾媽媽發現咗,佢問我:“今晚食smoked salmon pasta好唔好?” 我即時話:“正呀!” 點知佢煮哂一公斤米線當Pasta!由於份量太多,食咗幾晚先食得唒,好彩晚晚都有唔同煮法! – 紅蘿蔔蕃茄芝士炒米線   – 煙三文魚忌廉米線 – 大白菜蕃茄配韓式辣醬炒米線   食後感:好有特式,好好味,但我份人比較傳統,我覺得米線都係配湯底最啱feel,所以下次我一定會收埋包米線自己煮。
Categories: 飲食

誰呃鬼我食埋食埋啲唔夠健康嘅乳酪?

自從三年前第一次去希臘,第一次食到真正嘅希臘乳酪之後,我先知道平時食埋食埋果啲喺超級市場買嘅膠盒仔包裝嘅乳酪有幾膠,再上網check吓啲成分同製造過程,救命呀根本上係同食化學物質無乜分別(個人意見啫)。 真正嘅希臘乳酪用新鮮羊奶(或牛奶)加乳酸菌再發酵,4公升的牛奶先製造到1公升的希臘乳酪,所以蛋白質含量是普通乳酪嘅兩倍、鈣質亦高三倍、雖然熱量比較高,但同時營養價值又高好多,我都係果句:“食幾多咪做返幾多運動去燃燒返啲脂肪囉”,最緊要食嘅嘢係有營養,食幾多唔係最大問題(再講:個人意見啫)。 喺香港好努力咁揾希臘乳酪,一見到寫住”Greek Style Yogurt”就以為執到寶,70幾蚊一盒都照買,食落個質地又黏又厚,又酸酸地又易飽肚,係佢喇!點知又中伏,原...
Categories: 飲食

與其羨慕人哋,不如善待自己。

細個想去英國讀書,但係最後揀咗喺香港讀大學,後悔到世界終結時; 大學畢業之後想參加外國交流團,結果加入咗“畢業後立即揾工兵團”,一做就差唔多10年; 30歲前想去Working Holidays;點知又唔捨得份工,一年拖一年,而家已經32歲。。。 好羨慕有勇氣出走的人,好羨慕可以開展second life的人,好羨慕唔駛校鬧鐘起身的人。。。夠喇,我要做一個連自己都羨慕自己的人。 從來都唔覺得外國一定比香港好,而且做美容編輯亦令我見識到好多,只係我仍然鐘意冒險,想用另一種形式去體驗生活,於是膽粗粗遞辭職信,last day之後兩日飛去希臘。去希臘做咩?感受生活為主,同時又會寫吓blog/ Instagram/ Facebook Page,做freelance writer咁囉。咁啱嚟開希臘嘅話,記得揾我,但其實我周不時會...
Categories: 旅遊