TIFFANY NG | Back to ELLE STAR Column

A Relaxing Day at Sounion

A relaxing day at Sounion❤ Fortunately we saw milkyway & meteors at night! ☄   #greece #sounion @ Soúnion, Attiki, Greece
Categories: 旅遊, 生活

48度。係咪幻覺呀。

而家我完全明白點解佢哋要放暑假,千祈唔好羡慕佢哋有得放假,佢哋應得嘅。今日要去幾個唔同嘅地方做嘢,根本係熱到頭暈頭痛而且完全食唔落嘢,有時仲會睇嘢浮吓浮吓,等過馬路果一分鐘根本係永恆。而家先啱啱七月,究竟今個夏天會唔會去到50度?
Categories: 旅遊, 生活

希臘日落新場:雅典郊區Glyfada海邊

希臘日落出名靚到爆,唔少人嚟希臘旅行嘅目的都係想一睹個咸蛋王喺你面前跌落海果個magical moment,而最出名嘅日落聖地一定係Oia,大大個咸蛋王餵到你飽(個相機),當年我第一次睇希臘日落都係喺呢度睇。 不過未必個個人都會千里迢迢由雅典去Santorini再去Oia,其實喺雅典南部嘅郊區Glyfada海邊睇日落都係一絕,除咗有天有海有山有風有白鴿有日落,最重要係無乜人,成個海邊俾我霸哂! Glyfada係比較多有錢人聚集嘅區域,所以一排又一排嘅遊艇已經默默咁等待夏天出海,海邊亦有唔少海景cafe同餐廳,市中心有好多名店同小店,如果想喺雅典郊區shopping、睇日落、食飯直落,可以嚟Glyfada一日遊。
Categories: 旅遊
Comments Closed

想做就做,有咩好怕喎

想講返2017年1月1號發生嘅事,果日係希臘嘅拆禮物日(類似boxing day),而我真係拆咗全日boxes,原因係我上個月太得閒,無所事事行行企企周身唔自在,於是自動請纓幫手執屋,結果賴嘢啦,邊有人咁多雜物㗎。。。攰到。。。雖然係好攰,但係見到地庫由一片混亂變到勁整齊都好有滿足感。 而驚喜位係,夜晚佢哋叫我圍埋去拆禮物(真係boxing day!),原來媽媽買咗隻戒指俾我!果刻係超感動!連埋前一晚另一位媽媽送俾我嘅(偽)足金2017開運吊飾,我覺得呢個只得1度嘅新年好温暖。 半年前我絕對無諗過會遇到呢班媽媽同其他希臘朋友,更加諗都諗唔到自己會因為收到心形戒指同埋開運吊飾而咁開心,最最最諗唔到嘅係我會辭咗份工飛去希臘條條fing。從來都唔係一個會去計劃嘅人,正宗煮到埋嚟...
Categories: 旅遊

希臘人初次試煮米線,原來米線煮法如此多!

當我對米線嘅印象仲停留喺襯酸辣、蕃茄、麻辣湯底呢類咁陀地煮法嘅時候,估唔到屋企入面嘅希臘人可以將米線煮到圖中咁樣樣。。。 話說我上星期買咗一公斤米線,諗住可以食成個月,並且率先用辣粉煮咗個辣湯米線嚟食,非常之咁滿足。但係無手尾嘅我求其將大大袋米線放咗喺廚房,前幾晚俾媽媽發現咗,佢問我:“今晚食smoked salmon pasta好唔好?” 我即時話:“正呀!” 點知佢煮哂一公斤米線當Pasta!由於份量太多,食咗幾晚先食得唒,好彩晚晚都有唔同煮法! – 紅蘿蔔蕃茄芝士炒米線   – 煙三文魚忌廉米線 – 大白菜蕃茄配韓式辣醬炒米線   食後感:好有特式,好好味,但我份人比較傳統,我覺得米線都係配湯底最啱feel,所以下次我一定會收埋包米線自己煮。
Categories: 飲食