搭咗廿一個鐘(連埋等轉機嗰幾個鐘),終於到雅典嗰一刻係想即刻返屋企狂瞓一星期,點知等咗成個鐘都唔見有行李出,而當我見到一大堆乘客走去service center果時已經知瀨嘢。。。係有成50個人以上唔見行李,而只有一個希臘員工好積極咁慢慢處理,情況極度混亂,足足搞咗三個鐘先到我交表,問究竟check唔check到啲行李喺邊,佢話應該喺世界上其中一個地方。。。 知道唔見行李嗰一刻,我打開個隨身背囊,入面有: ·i-pad ·電話 ·各式各樣嘅叉電器 ·一本書 ·一支潤唇膏 ·一副太陽眼鏡 ·證件&信用咭 ·一包風琴魷魚乾(辣味) 望住呢堆嘢,我勁後悔點解要貪方便將個Hand Carry都寄艙,明明入面已經執好咗一大堆衫褲鞋襪泳衣&嘢食,希臘人不斷話唔緊要啦啲身外物,大佬呀,我真係無咁豁達,...