TIFFANY NG | Back to ELLE STAR Column

初試包餃子 & 煎、蒸、烚餃子

估唔到身為煮食手殘者嘅我都可以一手一腳整餃子(利申: 水餃皮係買嘅),再次多謝一眾YouTubers。 – 切材料切到手軟!有粉絲、蔔葡、冬菇、木耳&洋蔥。 – 滾油爆香啲薑末先一鑊炒熟啲材料,香到呢,再加少少豉油&楜椒粉。 – 包咗三款形狀,一般餃子形包得最多餡、魚皮餃形超易包、十字燒賣形最煩。 – 用三種方法煮啲餃。蒸餃蒸耐咗好乾、烚餃又易又好味,但有兩隻爆開咗順便煲做湯底、煎餃用油煎香個底再落少少水蒸,煎到有金黃脆皮底超好味呀! – 再憑多年打邊爐經驗整埋個汁,豉油 + 醋 + 蒜泥 + 辣椒油 + Grape Concentrate + 麻油 + 葱,用嚟點餃子一流。 – 嚴禁希臘人用刀叉食,強行逼佢地用筷子。 總結 : 下次試吓整埋餃子皮,同埋唔會再蒸。

兩個素懶人。

如果你是純素食者,可能也會認為較難找到真正的素食。 可能你會發現素食加入了牛油、雞蛋或奶,又或者用作烹調的廚具曾用來煮非素食產品,來自希臘的兩位素食兄弟因此而於2000年創立了自己的品牌,製作純素及素食曲奇。 哥哥說: “懶得每次都花時間研究食品成份,然後又免得看到非素食成份後要放棄原本期待要吃的曲奇,所以決定自己製作!” 弟弟說: “懶得想,跟哥哥的想法行事吧。” 啊,這種”懶”,實在很有性格。 朱古力曲奇 蘋果加肉桂曲奇 果仁曲奇 燕麥加蜂蜜曲奇 他們製造的曲奇都採用有機成份,不含牛油、雞蛋或奶。有朱古力、蘋果加肉桂、燕麥加蜂蜜等不同口味,曲奇除了好吃之外,還很脆,是出乎意料的脆。還記得他們一邊介紹一邊叫我試食,但其實大部份都被他們吃光,看得...
Categories: 旅遊, 烹飪, 生活, 飲食

初試瑤柱蒸水蛋

自從帶咗個蒸架同埋一大堆食材返希臘之後,成個人生唔同晒。新手整瑤柱蒸水蛋都可以有咁嘅效果,再一次多謝YouTube! – 啲瑤柱浸完再蒸淋先溝蛋再蒸,蒸到半熟再喺蛋面鋪多層瑤柱再蒸 (姐有的是時間)。 – 用瑤柱水代替水去蒸蛋,勁鮮味。 – 用錫紙包好先蒸,無倒汗水滴返落蛋,好滑好靚。 希臘人勁問咩係乾瑤柱,仲有呢個Creme Brulee點解落豉油。
Categories: 烹飪

試煮玉子焼き

上個星期無端端上YouTube search “蛋食譜”,見到幾廿萬種唔同嘅煮蛋教學,於是無聊試整咗幾款俾希臘人食,當我想介紹呢條玉子焼き嘅時候,佢哋興大叫: 希: “條奄列好厚好靚呀!” 我: “呢條唔係奄列。。。係日式卷蛋!” 希: “快啲加茄汁啦!等我去拎麵包同整咖啡!” 我完全阻止唔到佢哋活生生咁將條玉子焼き變成西式奄列。。。最後果張相係佢哋嘅傑作。。。
Categories: 烹飪