想講返2017年1月1號發生嘅事,果日係希臘嘅拆禮物日(類似boxing day),而我真係拆咗全日boxes,原因係我上個月太得閒,無所事事行行企企周身唔自在,於是自動請纓幫手執屋,結果賴嘢啦,邊有人咁多雜物㗎。。。攰到。。。雖然係好攰,但係見到地庫由一片混亂變到勁整齊都好有滿足感。

20

21

而驚喜位係,夜晚佢哋叫我圍埋去拆禮物(真係boxing day!),原來媽媽買咗隻戒指俾我!果刻係超感動!連埋前一晚另一位媽媽送俾我嘅(偽)足金2017開運吊飾,我覺得呢個只得1度嘅新年好温暖。

23

半年前我絕對無諗過會遇到呢班媽媽同其他希臘朋友,更加諗都諗唔到自己會因為收到心形戒指同埋開運吊飾而咁開心,最最最諗唔到嘅係我會辭咗份工飛去希臘條條fing。從來都唔係一個會去計劃嘅人,正宗煮到埋嚟就食囉,想做就做,有咩好怕喎,前面有咁多條唔同嘅路,其實揀邊條路都總有得有失,最緊要係享受個過程,好多朋友話:“好想好似你咁辭職去體驗”,其實我只可以話:“諗都唔好諗”,因為太多人有太多顧慮,根本心理同實際情況都未準備好,未係時候去諗;而如果你已經毫無顧慮,咁其實你仲諗咩呢,係時候去做自己想做嘅事啦。

2425

 

新朋友noa!

22