回想小學年代好羨慕同學箍牙,當然係知道可以變靚D,仲有代表著身份嘅象徵。以前只有「鋼線箍牙法」,入門價都要4-6萬,有得箍牙就等如家境富裕或父母做政府工。 媽咪一向都追捧日本明星,例如山口百惠,所以佢對爆牙情有獨鐘。中學年代,我出左兩隻「爆牙」,媽咪好似中左獎一樣,大鑽好可愛!大學畢業後,發現包包面情況,腦海又出現箍牙想法,但係剛剛畢業,無可能負擔幾萬蚊嘅費用,之後又不了了之。直到30歲,有一位行內前輩同我講: 「10幾20歲有「爆牙」係可愛,30幾40歲後你唔再可愛,人地只會覺得你牙齒唔整齊。」佢這一句說話深深影響我。 我花左幾個月時間做research,去過見幾個牙醫。有牙醫提議要剝牙,加上有智慧齒,要花更多錢及時間。仲有照左 X光,睇下邊隻智慧齒要剝...