今次既福岡之旅令我最大得著係可以去有九州威尼斯之稱既水鄉「柳川」～～～
如果有親身體驗過既你～你都一定會愛上呢種慢看人生既自在感～
好彩我地去個日唔係成日落大雨啊～間中天晴巳經好開心～嗚嗚～好感動呢～
柳川遊河既主要路線為江戶時代柳川城四周既護城河～
成趟船程大約70分鐘左右～
都會係由船夫負責以細長既竹竿掌控住船隻前進既速度與方向～
而且全程都係以日文向乘客介紹柳川當地既歷史人文風情與沿岸景致風光～
行程中船夫仲會唱幾首歌謠助興～
我地三月頭去到咁岩有幾棵櫻花樹開左～
巳經想像到如果河邊兩岸開哂花～一定好壯觀呢～
呢種河上相遇都算係一種幾有趣既經歷呢～
大家雖然互不相識～但見到面都會打聲招呼～「哦Hi唷 :)」微笑點頭～
坐左中途其實都有小小肚餓～
突然間～架船泊埋左去一間船上小屋到有得買野食啊～買野飲架～
食飽飲完～杜生都忍唔住手～不停係咁影相啊～因為風景真係好靚～
70分鐘之後～其實都仲係好肚餓架～所以立即衝左去食鰻魚飯！！！！！！
沿途風景都係好靚架～～～
去柳川必做既事除左遊船～另一個就是品嚐當地特色既蒸籠鰻魚飯(せいろ蒸し)～～～
幾經辛苦(因為又落大雨啊～嗚嗚）我地先行到來呢間在當地是自1681年開業三百多年的蒸籠鰻魚飯老店「元祖本吉屋」
我唔客氣喇～～～～～～·
聽講元祖本吉屋鰻魚飯既做法～係將飯淋上醬汁再擺上燒烤後既鰻魚～再經過兩次既蒸煮最後加上金黃蛋絲～
因為長時間的蒸煮既關係～醬汁味及燒烤鰻魚既炭香完全融入米粒中～等米變得更軟熟～～
而鰻魚因為蒸氣高溫熟成的關係～口感變成入口即化～～可以話燒鰻魚同米飯以及醬汁既味道已經融為一體啊～～～
元祖本吉屋
地址：福岡県柳川市沖端町12.
電話：0944-72-9070
營業時間：10:30～17:00 星期一休息
