我開始生酮飲食已經兩年多,雖然同我嘅目標仲有少少距離,但係呢兩年幾嘅時間,我已經減咗36磅

所以最近見到一段時間冇見嘅朋友,大家第一句都會話你瘦咗好多喎!

好多人見到我瘦咗之後,都會問我用乜嘢方法,當我同佢講我生酮飲食之後,大家都會問我減得辛唔辛苦。

其實我想講,我而家40歲,呢一個瘦身方法,係我試過咁多方法,而最舒服最開心嘅瘦身方法。

我而家食嘢俾最肥嘅時候,仲食得多,而且每一餐都食得好飽。

有啲人會話呢一個方法唔健康,其實佢哋應該係未真正了解,我哋都會有分食得Clean 同 Dirty

嚴酮係唔可以食任何加工食物,要食原型食物嘅。

即係唔係新酮嘅人,佢去食漢堡包、薯條

而生酮嘅食牛扒加菜(走汁)

咁你話邊一個食得健康啲呢?