近排我既新娘客人,好多都打比我求救,因為天氣問題,令新娘子既面敏感又乾.如果又乾又敏感的話,有時連用補濕產品都唔得既時候,的確令新娘子擔心!好彩佢地仲識打黎我度求救,而唔亂出去買野試用!而呢個時候我多數都介紹佢地用phytomer既敏感系列,而呢枝 soothing cocoon mask 都係我自己好多時會用既急救mask.我自己既皮膚都非常敏感,冬天仲更加嚴重,有時我發現有敏感既先兆,就會沖完涼之後即刻敷呢個mask,用完皮膚即時降紅之外,意外既驚喜就係會令皮膚好有光澤!我有一個皮膚出名好既名人朋友,我有次幫佢化妝時,大家講起用咩mask,竟然連佢都好鍾意呢個mask,佢話有時唔敏感既時候都用添,出外旅行同做job都一定會帶出去添喎!哈哈!但原來佢都唔知香港有得賣0家,佢次次都去日本掃貨,而家佢終於知香港都有得賣,而且價錢仲平過日本添!而我呢枝就係開倉時買0家,當日開倉我都買左好幾千蚊野,但我好多朋友上黎我屋企打劫完之後,令我好期待快d再開倉呀!!!