如果選定左狗種之後,就要去書店買一本教授養狗既書返屋企看門口而且仲要係FOR你決定狗種既書,例如我自己就決定了養貴婦狗,我就買了一本貴婦狗手冊!買佢返屋企之前,仲要將屋企好好清潔乾淨,將電線收起,雜物盡量唔好放0係地上面!!之後就可以去多間唔同既寵物店逛下,去到之後可以睇下邊一隻你特別鍾意,同埋叫店員比你試下抱抱!好似我同波子咁,第一眼我去到寵物店都已經比佢吸引左0家LA!!手腳短短又肥,抱上手之後又即刻錫我,又乖乖咁.可惜當時我想買一隻仔仔,而佢就是女女!(上面就係仔仔波子啦,等緊睇獸醫) 到最後我都帶左一隻仔仔走,仲即時改左名叫(波子)之後就開車去獸醫度CHECK下有無問題,當日獸醫幫佢做晒探熱………到睇皮膚時,發覺隻仔仔皮膚唔係太好,叫我最好去寵物店換第二隻,因為唔知可唔可以醫斷尾,當日我都好唔捨得,但我朋友都叫我即時去換.幾經掙扎我就去返寵物店要求換第二隻,寵物店既人都好好,即時換返比我,仲話要自己醫返好隻仔仔!(上面呢隻就係我而家既肥妹波子) 估唔到到最後我都係抱返我第一眼就鍾意既肥妹返屋企,因為已經決定左波子呢個名,所以都再用返0係而家隻波子度.其實我同波子真係好有綠,第一眼愛上佢,到抱上手都係鍾意佢,後來決定帶第二隻返屋企,但到最後都係返去換返佢.真係好奇怪!!