(波子第一日返屋企影既相)  由細到我都好鍾意動物,一直以黎都好想擁有一隻寵物狗.到前兩年開始自己搬出黎住,就決定要做一個付責任既主人.但我好肯定咁同大家講,決定之前但係要停一停諗一諗,如果經濟或者時間唔容許的話,就去Dog Cafe 玩下人地既狗仔就好了!決定養狗之前應該比半年時間準備,點解要咁耐?因為0係呢段時間,你要不停咁搵資料,搵心目中適合自己既狗(例如屋企太細就唔好養D要好大運動量,身型大既狗,鼻敏感既人就唔好搵一D會甩毛既狗),買定佢既必需品,睇書了解佢既習性,0係屋企附近搵下有無地方可以放狗等等…….我都因為睇左好多書,網上資料,同埋同朋友既狗仔相處一排實習,先再決定帶波子返屋企0家!!今日就講咁多先!!