212

貪新鮮係人嘅天性,我相信幾好用幾靚嘅化妝品大家都總會有用厭嘅一日,而我最近換上嘅新產品係這3支功能性十分強勁的睫毛液。

122

496564

本人挑選眼睫毛液十分嚴格,持久防水係首要條件,另外顔色要夠實黑,揸完上眼要快乾,質地唔可以太厚重,纖長捲曲濃密和無臭味就更加重要。 我今個月每次出job都只帶依3支睫毛液,完全滿足到唔同客人嘅需要,絕對無令人失望。

 

545

Nars秋季單品 Audacious Mascara黑紅色包裝走簡約時尚風格,早前參加産品發布會時已經一試愛上。專利刷頭擁有超過200個勾可以包住每根睫毛,效果濃密捲曲,實黑色令眼妝層次更加豐富,重複搽兩至三層就可以做到今季潮流的娃娃大眼。刷頭可以仔細勾出每條下眼睫毛,不用擔心出現甲甴腳,適合追求睫毛妝感較強的女生。

 

466

Maybelline係第一個發明睫毛液嘅品牌,這款BIG EYES Barbie主要做自然纖長效果,一邊是纖維刷頭(可無限增加睫毛量),一邊睫毛液。如果喜歡自然裸妝效果的話,單用睫毛結果邊都十分足夠,因為本身已經有輕度纖長的效果。喜歡根根分明長睫毛的話,就可以有使用睫毛液後掃上纖維,之後當你再上多一層睫毛液時,驚喜就會即時出現,佢可以將你原本的睫毛拉長一倍(當然重複揸多幾層,效果就更勁)!!所以亦都好適合下眼睫毛較少嘅朋友。

 

54645

BY TERRY這支Mascara主打持久捲曲。我試過係無夾睫毛既情況下,都能夠揸出3D嘅捲曲睫毛,仲可以keep到大半日。
成份中蘊含有植物蠟,可以強化和防止睫毛脫落,好適合睫毛較軟,夾完睫毛好快會變直既朋友。

始終坊間無可能會有一支可以同時做到幾廿樣功能嘅睫毛液,所以平日工作我會3支混合來使用,想要濃密、纖長、捲曲抑或最自然嘅效果,佢地都可以滿足到我,可算是無敵嘅組合。