上星期去左位於粉嶺流水響的『香港流浪狗之家』探訪

其實早陣子係朋友間既FB分享中睇見呢個Page

之後就一直留意住、見到復活節期間有開放日、所以諗住去睇下

不過因為每日有限人數、遲得滯報名所以錯過左

好彩係佢地突然決定加開一日,就係星期日~亦好有心咁聯絡番我

所以終於可以去一趟睇下呢260多隻狗狗喇!

無啦啦、點解會去呢?

我知道亦明白香港有好多好心人有幫助狗狗

不過說真、我好欣賞呢間慈善狗舍

係FB一直留意佢地D post / 相片

創辦人故事、每隻狗狗故事、狗舍環境

足以令我好想去一趟

當日除左同朋友買左幾箱狗罐罐去

前一晚漏夜係屋企焗左400多的狗狗cookies

希望盡少少綿力、帶俾狗狗小小快樂 🙂

一入到狗舍、環境好好呢

裡面唔係咩名種狗、大部份係唐狗/混種的。

全靠創辦人用佢既善心將可憐狗狗救番黎、改變佢地下半生。

係狗舍裡面狗狗有空間咁生活、唔會用籠困住

呢度有260多隻狗狗

佢地全部都面帶笑容、而且好乖ga

睇得出因為好既生活令佢地好開心

狗舍分左3,4part到

因為每日13:00-16:00係狗狗們午睡時間

當我地行過左去另一part既時候、一回頭狗狗們極速午睡了

哈哈

同我玩緊既係初一、初三(仲有一隻叫初二)

因為佢地係年初一二三被遣棄的 🙁

呢隻叫三腳(下圖)

因為佢得三隻腳、不過佢好叻ga

之前賽跑比賽為狗舍贏左包狗糧番黎!

如果大家想知道多D狗狗詳細故事、

可以去Facebook search『香港流浪狗之家』既Page睇

亦好希望大家可以share俾身邊人

等多D有心人留意佢地、幫助佢地 🙂